何超蓮同周杰倫合唱《甜甜的》

嘩!何家千金開金口呀!原來為了佢嘅男神周杰倫!眾所周知超蓮係演唱會常客,凡係有星開騷,超蓮例牌去集郵。今次就得米啦,可以同男神合唱。琴晚超蓮孖住超雲,同埋形象指導馬天佑去紅館睇騷。去到尾聲,周杰倫搵現場觀眾伴唱時,點名揀中了馬天佑。馬天佑好識做,即刻將個波交比超蓮,仲大爆超蓮好想同周董合唱。

對住男神,超蓮即刻變怕醜妹,仲話係呢輩子最難為情的事情。夢想成真,超蓮成晚不停洗版曬合照,仲話周董係佢永遠的男神。

留言